Министерството за образование и наука (МОН) ги објави резултатите од двата конкурса за стипендирање средношколци за учебната 2025/2026 година:
-900 стипендии за социјална поддршка на ученици од јавните средни училишта,
-1.570 стипендии за ученици запишани во дуалните паралелки (стручно образование со зголемен број часови практична настава).
МОН нагласува дека сите апликанти ќе добијат решение преку електронскиот портал e-uslugi.mon.gov.mk во делот „Мои апликации“ во колоната „Документ за одлука“.
По добивањето на решението, жалбите се поднесуваат до Државната комисија за одлучување во управна постапка, постапка од работен однос и инспекциски надзор во втор степен, во рок од 15 дена од приемот на решението.
Добитниците на стипендија не треба да доставуваат испечатени и потпишани договори. Сите права и обврски околу користењето на стипендијата се наведени во решението.